أنا اتخرجـــــــــــت يا جمــــــــاعه

.

السلام عليكم جميعا

।.

..

اخوانى واخواتى الاعزاء....من غير مقدمات ومؤخرات....كان في خبرين...واحد مؤلم والتانى سعيد

.

.

المؤلم كان وفاة د / عبد الوهاب المسيري....قلمى المفضل....عقليه جديره بالاحترام....رؤيه فلسفيه ناقده صعب تتكرر....الله يرحمه رحمه واسعه

.।

..

...الخبر التانى السعيد بقي...انه أنا اتخرجت يا جماعه....والله اتخرجت....أخييييييرااااااا ....اللهم لك الحمد

।

.

أول لما قالولى خبر النجاح ....بعد الصويت والتنطيط طبعا وسجدة الشكر....كأن شريط حياتى مع التعليم بيرجع أدامى....ابتدائي واعدادى وثانوى....وسنين الكليه....ياااااه ذكريات.....كبرت بسرعه وأتخرجت....على فكرؤه أنا لحد دلوقتى مش قادره استوعب كده ....شكلى ميديش على تخرج خالص :) .....

।

.

متحمسه أوى للمرحله اللى جايه....للدراسه الحره تبعا لميولى وهواياتى....مليون حاجه في دماغي بس محتاجين شوية

ترتيب....الله المستعان

।

।

بمجرد كلمة التخرج فعلا جزء كبير من امنياتى بدأ يتحقق....مش ببالغ والله....بس بجد أنا كنت حاسه ان الدراسه قيد ....لانه كان بيقتلى ميولى بالبطيء...وكنت بحلم بالتخرج عشان أدرس الصحافه والفنون الجميله زى ما كنت بتمنى...

।

.

التدوينه دى طالعه من وسط النااار....الكمبيوتر العزيز اليومين دول في نزعه الاخير...كل ما أكتب تدوينه لازم يهنج .....بس النهارده يا أنا يا هو

।

।

في النهايه شكرا كتيييير للى دعولى....واللى مدعوليش ملحوقه...أدعولى بقي بالتوفيق في حياتى المستقبليه...أحنا لسه فيها

।

.

ربنا يدخل على قلوبكم جميعا السرور والفرح((قل بفضل الله وبرحمته فبذلك فليفرحوا))

।

.

...جزيتم خيرا جميعا...ودمتم بكل ود في أمان الله و رعايتة وحفظه