* سيبهم *
.
سيبـــهم بحديده وبمقابض-------يلفوا ادين متوضيــه
.
وفى زنزانه ابيض فى اسود-----يسبوك بلا زاد ولاميه
.
الايـــد دي هتمسك رقبتهم------مظلومة امـام البشريه
.
فى يوم لا هينفعهم نــايب------ولاريس ولاحتــى ميــه
.
دا النصر حليف اللى يجاهدوا-----مايخافوا فى الحق سريه
.
كــون منهم وايـــاك تستسلم---------لكلبش وسجان واذيه
.
اصبروا وقلوبنا بتدعيلكم--------في الفجر وساعة الصبحيه
.
انــه يثبتكــــم على حقه---------ويجعلها له دعوه ابيـــه
.
بنفوسكوا الثابته هتنتصروا------والنصره دى هتكون قويه
.
لكن بالضعف وامثالـــه--------هتسيبوا الحال للحراميه
.
ياكلوا فلوسكوا ياخدوا بيوتكوا-----يبعدوا دينكم يقتلوا ميه
.
يللا ياشبــــاب ارفعوا راسكم-------دعوتكم دي ربانيــه
.
جاهدوا في الله بمالكوا وناسكوا-----وادفعوا ضريبة الحريه
.
عيشوا لشهاده ونصر مبين------للجنه ودرجاتها العاليه
.
*.*.*.*.*
من اشعارى بالعاميه....هديتى لكل اسير كلمة الحق
